“Waşington Kepitalz” amerikan hokkeý toparynyň hüjümçisi Aleksandr Oweçkin Milli hokkeý ligasynyň (MHL) yzygiderli çempionatlarynda 900 şaýba geçiren ilkinji hokkeýçi bolup, taryhy rekord goýdy. Bu barada CBS Sports habar berýär.
Ol ýubileý goluny “Sent-Luis Blýuz” toparyna garşy oýunda geçirdi. Duşuşyk Waşington toparynyň peýdasyna 6:1 hasabynda tamamlandy. Oweçkiniň ikinji tapgyrdaky şaýbasy hasaby 2:0 etdi.
Öň, 2025-nji ýylyň aprelinde Oweçkin hasabynda 894 gol bolan kanadaly Ueýn Gretskiniň rekordyny täzeledi. Pleý-off oýunlaryny hasaba alanyňda, russiýaly hokkeýçiniň indi 977 şaýbasy (yzygiderli möwsümlerde 900 we pleý-offlarda 77) bar. Bu görkeziji boýunça ol diňe Gretskiden yza galýar, onuň hasabynda 1016 gol bar.
Oweçkin MHL-de 2005/2006 möwsüminden bäri oýnaýar we häzire çenli “Waşington Kepitalzda” çykyş edýär. Ol 2018-nji ýylda topar bilen Stenli kubogyny gazandy. Mundan başga-da, ol Russiýanyň milli ýygyndysynyň düzüminde üç gezek dünýä çempionydyr.
