Huawei Hytaýda “taryhda iň inçe Mate” diýip atlandyrýan Mate 70 Air ultra inçe flagmanyny hödürledi.
Täze smartfonyň korpusynyň ýogynlygy bary-ýogy 6,6 mm boldy we bu iPhone Air bilen Galaxy S25 Edge-den sähel ýogyndyr. Ýöne işläp düzüjiler smartfonyň uzak işleýändigi we funksiýalary bilen öwnüp bilýär – Mate 70 Air 66 Wt çalt zarýad alyş goldawy bilen 6500 mA/sag sygymly akkumulýatora eýe boldy.
Smartfon durulygy 1,5K+ (2760 × 1320 piksel) we täzelenme ýygylygy 120 Gs bolan 7 dýuýmlyk OLED displeýi bilen üpjün edildi. Frontal kamera 10,7 Mp bolup, ekranyň merkezi oýugynda ýerleşdirildi.
Smartfon HarmonyOS 5.1-iň dolandyrmagynda Kirin 9020B ýa-da Kirin 9020A çipsetlerinde (12 ýa-da 16 GB operatiw ýatly wersiýa baglylykda) işleýär. Ol Wi-Fi 7-ni, Beidou hemra aragatnaşygyny goldaýar we barmak yzynyň gapdal skaneri bilen üpjün edildi. Şeýle-de, IP69 boýunça suwdan we tozandan gorag bar.
Esasy kamera dört moduldan ybarat: uly sensorly 50 Mp esasy, 8 Mp ultra giňburçly, üç esse zum bilen 12 Mp teleobýektiw we 1,5 Mp multispektr datçigi.
Smartfon gara, ak we “kümüş parça” reňklerinde çykarylýar.
Bahalar:
- 12+256 GB — 4199 ýuan (~590 dollar)
- 12+512 GB — 4699 ýuan (~660 dollar)
- 16+256 GB — 4699 ýuan (~660 dollar)
- 16+512 GB — 5199 ýuan (~730 dollar)
