Hytaýyň tehnologiýa ägirdi bolan Huawei täze "Mate 80 Pro" seriýasynyň halkara bazaryndaky tanyşdyrylyşynyň 2026-njy ýylyň 26-njy fewralynda boljakdygyny tassyklady. Resmi çäre Ispaniýanyň paýtagty Madrid şäherinde geçiriler.
Tanyşdyrylyş "Innowasion önümleriň global prezentasiýasy" atly uly göwrümli metbugat çäresiniň çäginde bolar. Bu çärede diňe bir smartfon däl, eýsem, täze nesil simsiz nauşnikler bolan FreeBuds Pro 5 TWS, türgenler we işjeň durmuş ýörelgesiniň muşdaklary üçin niýetlenen Watch GT Runner akylly sagatlary ýaly täze enjamlar hem görkeziler.
Täze smartfon özüniň öňdebaryjy tehnologiýalary bilen tapawutlanýar. Displeýi 6,75 dýuýmlyk, çarçuwasyz diýen ýaly LTPO AMOLED ekran. Ol FHD+ durulygyna we 1-den 120 Gs-e çenli üýtgeýän (adaptiw) täzeleniş ýygylygyna eýe.
Uly sensorlar bilen üpjün edilen esasy kamera we Huawei-niň özboluşly XMAGE şekillendiriş algoritmi bar.
Smartfon täze nesil HarmonyOS 6 operasion ulgamynda işleýär.
5750 mAs göwrümli akkumulýator we 100 Wt kuwwatyndaky çalt zarýad beriş goldawyna eýe. Şeýle hem, enjam tozandan we suwdan gorag (IP standartlary) ulgamyna eýedir.
