Huawei kompaniýasy öz onlaýn dükanynda täze Nova 15, Nova 15 Pro we Nova 15 Ultra smartfonlaryny hödürledi. Täze enjamlar üçin Hytaýda 15-nji dekabrda öňünden sargytlar kabul edilip başlandy, resmi satuwa çykarylşy bolsa 22-nji dekabrda geçiriler.
Standart Nova 15 öňki modeliniň dizaýnyny, şol sanda ekrandaky ýeke deşigi we arka kameranyň öňki ýerleşişini saklaýar. Ýöne Nova 15 Pro-nyň we Nova 15 Ultra-nyň dizaýnynda görnükli üýtgeşmeler bar. Nova seriýasynda ilkinji gezek bu enjamlar keseligine ýerleşdirilen kamera modulyna eýe boldy. Mundan başga-da, resmi plakatlarda Pro we Ultra wersiýalarynda metal çarçuwanyň bardygy görkezilýär.
Üç smartfonyň hemmesi üçin dört reňk çözgüdi hödürlenýär: Dynamic Green, Easy Match Purple, Zero Degree White we Phantom Night Black. Ýaşyl we gyrmyzy görnüşleriniň arka paneli zolakly bezegdedir.
Nova 15 we Nova 15 Pro smartfonlary 12 GB RAM we 256 GB ýa-da 512 GB içki ýatly konfigurasiýalarda elýeterli bolar. Bu enjamlar Kirin 8020 SoC prosessory bilen işlär.
Nova 15 Ultra modeli, esasy konfigurasiýalardan başga-da, 12 GB RAM we 1 TB fleş-ýatly has uly göwrümli wersiýany hem aldy. Ultra-nyň Kirin 9010S ýa-da 9020A çipi bilen enjamlaşdyryljakdygy çaklanylýar.
