Türkiýäniň futbol federasiýasynyň (TFF) Tertip-düzgün geňeşi oýunlara pul goýmakda aýyplanýan 149 emini bu işden wagtlaýyn çetleşdirmek kararyna geldi. Bu barada guramanyň metbugat gullugy habar berýär.
Çetleşdirmek möhleti 8 aýdan 12 aýa barabar. TFF üç emin boýunça derňew işleriniň entek dowam edýändigini belledi. Işden çetleşdirilenleriň arasynda bäş ýylyň içinde her biri azyndan 10 000 gezek pul goýan on emin, şeýle-de 18 227 gezek goýum eden bir emin bar.
Öň, TFF-iň prezidenti Ibragim Hajiosmanoglu ýurduň professional ligalarynda işleýän 571 eminden 371-niň bukmeker edaralarynda hasaba alnandygyny habar berdi. Olardan ýedi baş emin we on bäş kömekçi emin ýokary diwizionyň oýunlarynda hyzmat edýär. Şol bir wagtyň özünde, Hajiosmanoglu bu eminleriň öz eminlik eden oýunlarynda goýum edendigini ýa-da ýokdugyny aýdyňlaşdyrmady.
AFP-niň maglumatlaryna görä, iş boýunça derňewi Stambulyň prokuraturasy alyp barýar. Giňişleýin maglumatlar entek ýok.
