“Pari Sen-Žermen” futbol kluby geçen möwsüm boýunça 837 million ýewro girdeji gazandy. Bu maglumat klubuň çap eden maliýe hasabatynda görkezilýär. Bu görkeziji klub üçin rekord hasaplanýar. Gurama erkekler we aýallar futbol toparlaryny, şeýle-de gandbol, dzýudo we kibersport ugurlaryny öz içine alýar.
Hasabat döwründe iň uly üstünlikleri erkekleriň futbol topary gazandy. Topar:
- Çempionlar ligasyny,
- Fransiýanyň çempionatyny,
- Fransiýanyň Kubogyny,
- Fransiýanyň Super kubogyny,
- UEFA-nyň Super kubogyny alyp,
- ABŞ-da geçirilen Klublaýyn dünýä çempionatynyň finalyna çykdy.
Klubyň täjirçilik girdejisi 367 million ýewro, oýun günlerinden (petek, atributika, stadion hyzmatlary) gelen girdejisi bolsa 175 million ýewro boldy.
Dowam edýän täze möwsümde PSŽ dokuz tapgyrdan soň 20 utuk bilen Fransiýanyň çempionatynda birinji ýerde barýar.
Çempionlar ligasynda hem topar üç oýundan soň mümkin bolan 9 utugyň ählisini toplapdyr.
