Nýurburgring ýolunda Xiaomi-niň synaglardan geçýän täze elektrik krossoweri göründi. Suratlardan görnüşi ýaly, bu YU7 modeliniň YU7 GT adyny aljak ýokary öndürijilikli wersiýasy bolmaly.
Awtomobil SU7 Ultra-nyň üç hereketlendirijili platformasynda guruldy. Onuň umumy kuwwaty 1548 at güýjüne ýeter, 100 km/sag çenli tizligi artdyrma bolsa iki sekuntdan az wagt alar.
Geljekki modeliň kuzowy agressiw aerodinamiki elementlere we Pirelli Trofeo RS sport tekerlerine eýe boldy.
Ozal, Xiaomi SU7 Ultra modeli Nýurburgringde 7 minut 04,957 sekunt netije bilen özüni görkezipdi. Bu görkeziji oňa Porsche Taycan Turbo GT-den öňe geçip, meşhur ýoly geçen iň tiz dört gapyly elektrik sedan bolmaga mümkinçilik berdi. Soňra onuň rekordyny BYD kompaniýasynyň Yangwang U9 Xtreme giperkary täzeledi.
