“Germaniýada ýylyň awtoulagy 2026” (GCOTY) bäsleşiginiň eminleri bäş esasy nominasiýada ýeňijileri yglan etdiler. Bu sapar ýeňiji bolan modelleriň arasynda nemes markalarynyň ýoklugy aýratyn üns çekdi. Baýraklar ABŞ, Günorta Koreýa we Çehiýa awtoulaglaryna berildi.
Esasy ýeňiji 17-nji noýabrda yglan ediler, ýöne hünärmenler onuň häzir saýlanan modelleriň biri boljakdygyny belleýärler.
Bäsleşik ulaglary bahasyna görä bölýär:
- Býujet toparda (25 müň ýewro çenli) iň gowy awtoulag Dacia Bigster boldy.
- Uly bolmadyk (ykjam) segmentde (25–40 müň ýewro) ýeňiş Skoda Elroq-a berildi.
- Premium klassda (40–70 müň ýewro) iň gowy diýlip Hyundai Ioniq 9 saýlandy.
- Kaşaň kategoriýada (70 müň ýewrodan ýokary) Cadillac Vistiq birinji boldy.
- “Ýylyň sport ulagy” adyna Lucid Air Sapphire mynasyp bolupdyr.
Netijelere görä, saýlanan bäş ýeňijiniň dördüsi krossower we şonça-da elektrokar.
Geçen ýyl ýagdaý başgaça boldy: esasy baýrak BMW 5 Series-e berlipdi, Porsche 911 GTS “Ýylyň sport ulagy” diýlip yglan edildi, hem-de aýratyn elektrik kategoriýasynda Audi Q6 ýeňiji boldy.
