BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir.
Şeýle netije U9X-i Nordşlýaýfedäki iň tiz önümçilik elektrokaryna öwürýär.
Şeýle-de, Yangwang U9 Xtreme Nýurburgringde 7 minut görkezijisinden geçmegi başaran ilkinji önümçilik elektrik ulagy boldy. SU7 Ultra ozal bu ýoly 6 minut 22 sekuntda geçdi, ýöne şeýle netije önümçilik awtomobili bolmadyk prototipe degişlidi.
Ýolda absolýut elektrik rekord 6 minut 5,3 sekunt wagty görkezen VW ID.R ýaryş ulagyna degişli.
U9 Xtreme ulagynyň önümçiligi çäkli: şeýle elektrokardan bary-ýogy 30 nusga çykarylar. Model umumylykda 3019 at güýjüni berýän dört elektrik hereketlendirijisi bilen enjamlaşdyryldy, bu SU7 Ultra-dan iki esse köpdür. Elektrokar 2,36 sekuntda tizligini 100 km/sag çenli artdyrýar.
Hytaýda kupeniň bahasy 1,8 mln ýuandan başlaýar, bu, takmynan, 253 müň dollara barabar.
