Awstraliýanyň Kwinslend ştatyndaky krokodilli Fisroý derýasy Olimpiada-2032-niň milli guramaçylyk komiteti tarapyndan ýeňil gaýykda we kanoede kürekleme boýunça ýaryşlaryň geçiriljek ýeri hökmünde tassyklandy. Awstraliýanyň ýaýlym korporasiýasynyň habar bermegine görä, ýaryşlary Rokgempton şäherinde geçirmek meýilleşdirilýär.
Çözgüt sport federasiýalarynyň wekilleriniň arasynda howsala döretdi. Awstraliýanyň kürekçiler assosiasiýasynyň ýerine ýetiriji müdiri Sara Kuk derýada çeşmeleriň köpdügini we munuň halkara ülňülerine laýyk gelmeýändigini, krokodilleriň bolmagynyň bolsa daşary ýurt türgenlerini gorkuzyp biljekdigini belledi.
Bu ýagdaýy taslamanyň entek Halkara kürek sporty federasiýasy (World Rowing) we Halkara olimpiýa komiteti bilen ylalaşylmandygy hem kynlaşdyrýar. Bu guramalar bilen maslahatlar heniz geçirilmedi.
Şol bir wagtyň özünde sportuň kürek görnüşleriniň mirasy boýunça konsultatiw komitet CQ32 Fisroýyň Oýunlaryň Infrastruktura we koordinasiýa boýunça garaşsyz edarasy (GIICA) tarapyndan geçirilen deslapky barlaglardan üstünlikli geçendigini habar berdi. Kwinslendiň premýer-ministri Dewid Krisafulli sebitiň häkimiýetiniň krokodilleriň sanyny gözegçilikde saklajakdygyny aýtdy.
Häzir Fisroý derýasy türgenleşikler we kürekleme boýunça uniwersitet ýaryşlary üçin ulanylýar.
