Amerikan mediakompaniýasy Warner Bros. Discovery öz paýdarlary üçin bähbidi ýokarlandyrmak maksady bilen biznesi ösdürmegiň dürli ýollaryny öwrenýändigini habar berdi.
Olaryň arasynda 2026-njy ýylyň ortasyna çenli iki kompaniýa bölünmek, tutuş biznesi satmak ýa-da bölekleýin satmak bar – Warnes. Bros we/ýa-da Discovery.
Kompaniýa ady agzalmadyk taraplardan satyn almak barada birnäçe teklipleri kabul edendigini, ýöne olaryň ýolbaşçylyk bilen ylalaşylmandygyny habar berdi. Şundan soň Warner Bros. Discovery tutuş biznesi ýa-da onuň bir bölegini satmak ýoluny gözden geçirmekçidigini resmi taýdan mälim etdi.
Şunuň esasynda kompaniýanyň paýnamalary, takmynan, 10% ýokarlandy.
Warner Bros. Discovery 2022-nji ýylda WarnerMedia AT&T-den bölünip aýrylandan we Discovery Inc. bilen birleşenden soň döredildi. Ozal mediaholdingi satyn almaga Paramount kompaniýasy gyzyklanma bildiripdi, ýöne resmi däl maglumatlara görä, Warner Bros. Discovery hödürlenen mukdary az hasaplandygy sebäpli, şertnama başa barmady.
