Mýunheniň “Bawariýa” futbol kluby baş tälimçi Wensan Kompani bilen şertnamany 2029-njy ýylyň 30-njy iýunyna çenli uzaltdy. Bu barada klubuň metbugat gullugy habar berdi.
“Men hoşal we klubda ilkinji günümden bäri bildiren ynamy üçin “Bawariýa” minnetdarlyk bildirmek isleýärin. Men bu ýerde eýýäm köpden bäri işleýän ýaly duýgyny başdan geçirýärin. Biz gyzykly syýahata başladyk! Geliň, yhlasly zähmet çekmegi dowam etdireliň we bilelikde has köp ýeňişleri baýram edeliň” – diýip, toparyň metbugat gullugy hünärmeniň sözlerini getirýär.
Wensan Kompani 39 ýaşynda. Ol 2024/25 möwsüminden öň “Bawariýa” ýolbaşçy boldy. Onuň ýolbaşçylygynda klub Germaniýanyň çempionatyny we ýurduň Superkubogyny utdy. Ozal Kompani Belgiýanyň “Anderleht” we Angliýanyň “Býornli” toparlaryna tälimçilik etdi.
