Nissan kompaniýasy Hytaý bazary üçin niýetlenen täzelenen Teana sedanyny tanyşdyrdy. Öndüriji täze modeliň Huawei sanly kokpiti bilen enjamlaşdyrylan ilkinji adaty benzinli awtoulag boljakdygyny aýtdy. Mundan ozal bu tehnologiýa diňe elektrik we gibrid ulaglarynda ulanylýardy.
Sanly kokpit — bu ýokary durulykdaky displeýden ybarat, ähli zerur maglumatlary (tizlik, nawigasiýa, gurallaryň görkezijileri, multimediýa) gönüden-göni sürüjiniň öňünde görkezýän häzirki zaman dolandyryş panelidir. Ol şahsylaşdyryş mümkinçilikleri bilen üpjün edilip, adaty gurallara garanyňda has çeýe we interaktiw görnüşde işleýär.
Täze Teana modeli Huawei-iň HarmonyOS operasion ulgamynda işleýän HarmonySpace 5 akylly ulgamy, şeýle hem Huawei ses ulgamyny aldy. Şol çözgütler eýýäm Voyah, Avatr, Aito Seres ýaly hytaý markalarynda-da ulanylýar.
Tehniki tarapdan sedan öňki konfigurasiýasyny saklaýar:
- 2,0 litrlik turbo hereketlendiriji, 243 at güýji (371 N·m),
- sekiz tizlikli simulýasiýaly CVT geçiriji,
- Uzynlygy – 4920 mm,
- Teker bazasy – 2825 mm.
Täzelenen Nissan Teana Hytaýda 2025-nji ýylyň dördünji çärýeginde satuwa çykarylar. Bahasy 160 000–180 000 ýuan (takmynan 22,4–25,2 müň dollar) aralygynda bolar.
Modeliň önümçiligini Nissan bilen Dongfengiň bilelikdäki kärhanasy amala aşyrýar.
