ABŞ-da “Superwood” atly täze gurluşyk materialy satuwa çykaryldy. Onuň berkliginiň agramyna bolan gatnaşygy poladyňkydan on esse ýokary, şonuň üçin hatda gökdiren binalary gurmakda-da ulanylýar diýip, CNN habar berýär.
Superwood Merilendde ýerleşýän InventWood kompaniýasy tarapyndan işlenip düzülýär. Tehnologiýany Ýel uniwersitetiniň professory we kompaniýanyň esaslandyryjysy Lýanbin Hu on ýyl mundan ozal ösdürip başlapdyr. Materialy öndürýän ilkinji zawod 2025-nji ýylyň maý aýynda açyldy.
Material adaty agaçdan öndürilýär, himiki bejergi we gyzgyn press arkaly dykyzlygy ep-esli ýokarlandyrylýar. Bu usul 19 agaç görnüşinde we bambukda synag edilipdir.
Superwood adaty agaçdan 20 esse berk we ýemşermeýär, kömeleklere, mör-möjeklere we oda çydamlydyr. Häzirki wagtda ol eýwanlar we fasadlar üçin ulanylýar, 2026-njy ýyldan başlap bolsa öý panelleri, pollar we mebel önümçiliginde-de peýdalanylýar. Mundan başga-da, bu material mebellerde metal berkidijileriň ornuny tutup, olaryň döwülmeginiň öňüni alar.
Geljekde işläp düzüjiler Superwood-yň gurluşykda poladyň ornuny tutup, önümçilik prosesinde ýarymlyk kömürturşy gazynyň zyňyndylaryny 90% azaltmagyna garaşýarlar.
