Sişenbe güni UEFA-nyň Çempionlar ligasynyň üçünji tapgyrynyň oýunlary başlandy. Birinji oýun güni toparlar 9 oýunda 43 gol geçirdi.
“Barselona” – “Olimpiakos” 6:1
Kataloniýalylar garşydaşyndan ynamly üstün çykyp, ÇL-iň şu möwsüminde öýde ilkinji ýeňşini gazandy. Fermin Lopes het-trik etdi. Ispaniýaly birinji ýarymda iki gol geçirdi. Oýnuň ikinji ýarymynda Aýýub el-Kaabi penaltiden gol geçirenden soň, “Olimpiakos” aratapawudy azaltdy, ýöne tiz wagtdan azlykda galdy – Santýago Esse ikinji duýduryşyny aldy. Oýnuň ahyrynda “Barselona” 13 minutyň içinde dört gol girizdi. Penaltiden Lamin Ýamal gol geçirdi. Markus Reşford hem öz hasabyna iki gol ýazdy.
“Kaýrat” – “Pafos” 0:0
Ýekeje-de gol geçirilmedik ýeke-täk oýun. “Kaýrat” ýaryş başlany bäri gol geçirmekde kynçylyk çekýär, hatda topar Žoau Korreýa meýdançadan çykarylandan soň azlykda galyp, gowşan “Pafosa” garşy hem gol geçirip bilmedi. Olaryň derwezä iň ýakyn gelen pursaty soňky minutlarda boldy: Ofri Aradyň urgusyndan soň top iki ştanga degdi.
“Arsenal” – Madridiň “Atletikosy” 4:0
Londonlylar ýeňiş gazanmagyny dowam etdirýär. Gabrieliň takyk urgusyndan soň ýer eýeleri “Atletiko” garşy güýçli hüjüme geçdi. Indiki 13 minutda “Arsenal” Gabriel Martinelliniň we Wiktor Dýokereşiň (iki gol) gollary bilen garşydaşy uly ýeňlişe sezewar etdi.
“Baýer” – “Pari Sen-Žermen” 2:7
Häzirki çempion oýunda haýbatly hüjümi görkezdi. Eýýäm oýnuň birinji ýarymynda “PSŽ” hasaby 4:1 etdi – Willian Paço, Dezire Due (iki gezek) we Hwiça Kwarasheliýa gol geçirdi. Arakesmeden soň Nunu Mendeş, Usman Dembele we Witinýa gol bilen tapawutlandy. Ýer eýeleri Aleş Garsiýanyň iki goly bilen jogap gaýtardy.
“Kopengagen” – Dortmundyň “Borussiýasy” 2:4
“Borussiýa” ýeňlişsiz tapgyryny uzaltdy. Myhmanlar Feliks Nmeçanyň iki goly, Rami Bensebainiň (penaltiden) we Fabiu Silwanyň gollary bilen ynamly ýeňiş gazandy.
“Nýukasl” – “Benfika” 3:0
Iňlis kluby yzygider ikinji ýeňşini gazandy. Oýunda hasaby Entoni Gordon açdy, Harwi Barns bolsa iki gol geçirdi.
“PSW” Eýndhowen – “Napoli” 6:2
“PSW” toparlaýyn tapgyrda ilkinji ýeňşini gazandy. 2:1 hasapda garşydaş toparyň oýunçysy meýdançadan çykarylandan soň, ýer eýeleri oýnuň gidişini öz eline alyp, dört gol geçirdi. Dennis Man iki gol bilen tapawutlandy, onuň ikinji goly bolsa oýnuň hakyky bezegine öwrüldi. “Napoli” Skott Maktomineýiň gollary bilen ýatda galdy.
“Ýunion” – “Inter” 0:4
Milanlylar üç oýunda dokuzdan dokuz utuk gazandy. Denzel Dumfrisiň, Lautaro Martinesiň, Hakan Çalhanoglunyň we Pýo Espozitonyň gollary “Intere” ynamly ýeňiş getirdi.
“Wilýarreal” – “Mançester Siti” 0:2
“Mançester Siti” myhmançylykdaky şowsuzlyklarynyň arasyny üzdi. Erling Holand yzygider 12-nji oýunda gol geçirdi, Bernardu Silwa bolsa arakesmeden öň hasaby iki esse artdyrdy.
Çarşenbe güni geçiriljek oýunlar (Aşgabat wagty bilen 00:00, eger başga wagt görkezilmedik bolsa)
- “Atletik” – “Karabah” (21:45)
- “Galatasaraý” – “Budýo-Glimt” (21:45)
- “Monako” – “Tottenhem”
- “Atalanta” – “Slawiýa”
- “Çelsi” – “Aýaks”
- “Aýntraht” – “Liwerpul”
- “Bawariýa” – “Brýugge”
- “Real” – “Ýuwentus”
- “Sporting” – “Olimpik”
