Mitsubishi ýapon awtokonserniniň Demirgazyk Amerikadaky bölümi 2026-njy ýylda meşhur Outlander krossoweriniň doly täze, hakykatdan-da ýolsuz ýerlere niýetlenen görnüşini hödürlejekdigini tassyklaýardy.
2025-nji ýylda çykarylan Outlander Trail Edition modelinden soň, kompaniýa indiki ädim hökmünde doly wnedorožnik mümkinçiliklerine eýe bolan täze modifikasiýany döretmek kararyna geldi.
Kompaniýanyň maglumatyna görä, täze Outlander täzeden işlenen bamperler, giriş we çykyş burçlary gowulandyrylan ýörite kuzow, şeýle hem teker arkasy we bosagalary gorap bilýän nakladkalar bilen enjamlaşdyrylar. Bu çözgüt ulagyň çarkandakly ýerlerde zeper ýetmegine garşylygyny ep-esli ýokarlandyrar.
Modeliň ýerden beýiklik derejesi artdyrylýar, üstesine, ol ýolsuz ýerlerde sürmek üçin niýetlenen ýörite tekerler bilen üpjün ediler. Doly hereketlendiriji Super All-Wheel Control (S-AWC) ulgamy ýolda durnuklylygy we ssepleniýany ýokarlandyrar. Şeýle hem dürli görnüşli ýol örtükleri üçin ýörite sürüş režimleri göz öňünde tutulýar.
Kapotyň aşagynda öňküsi ýaly 1,5 litrlik dört silindrli hereketlendiriji galar, ýöne inženerler geçirijini täzeleýärler hem-de podweskany agramly şertlere çydamly edip sazlaýarlar. Salon bolsa uzak aralyklarda rahatlygy we amatlylygy üpjün etmek üçin ýörite bezeg bilen tapawutlanar.
Täze Outlander-iň resmi tanyşdyrylyşy 2026-njy maliýe ýylynda — ýagny 2026-njy ýylyň 1-nji aprelinden 2027-nji ýylyň 31-nji marty aralygynda geçiriler.
Mundan başga-da, Mitsubishi häzirki wagtda 2026-njy ýylyň Nissan Leaf modeli esasynda täze elektrik ulagyny taýýarlap, oňa brendiň taryhy atlarynyň biri bolan Eclipse, Lancer ýa-da Evo adyny bermek mümkinçiligini seredýär.
