Gucci, Balenciaga, Yves Saint Laurent ýaly brendlere eýeçilik eýýän Kering kompaniýalar topary öz kosmetika bölümini L’Oreal kompaniýasyna satmak barada gepleşikleri geçirýär. Bu barada The Wall Street Journal habar berdi.
Neşir çeşmesiniň maglumatlaryna görä, şertnamanyň bahasy, takmynan, 4 mlrd dollar bolup, resmi bildiriş eýýäm şu hepde bolup biler.
Kering-e bu satuw 2025-nji ýylyň tomsuna çenli 11 mlrd dollara ýeten karz ýüküni azaltmaga kömek eder. Kompaniýa özüniň esasy brendlerini, aýratynam, hytaý bazarynda pese gaçyş bilen ýüzbe-ýüz bolýan Gucci brendini ösdürmäge ünsi jemlär.
Satyn alyş dünýäniň iň uly kosmetika öndürijileriniň biri bolan L’Oreal kompaniýasyna Creed parfýumeriýa brendine gözegçiligi, şeýle-de Kering brendleri – Bottega Veneta, Balenciaga we Alexander McQueen bilen baglanyşykly täze kosmetika hatarlaryny döretmek hukugyny berer.
Kering-iň kosmetika bölümi 2023-nji ýylda, topar 4 mlrd dollara Creed brendini satyn alanda döredilipdi. 2025-nji ýylyň sentýabrynda kompaniýada baş direktor üýtgedi: Fransua-Anri Pinonyň deregine wezipäni ozal Renault awtokonsernine ýolbaşçylyk eden Luka De Meo eýeledi.
