Prada modalar öýi şu aýda Couleur Vivante atly täze şaý-sepler toplumyny satuwa çykarar diýip, brendiň resmi web sahypasynda habar berilýär.
Toplumda ametist, akwamarin, sitrin, morganit we peridot daşlary bilen bezelen sallanýan gulakhalkalar, soliter ýüzükleri, bilezikler we riwýer görnüşindäki monjuklar bar. Pradanyň özüne mahsus üçburçluk nyşany şaý-sepleriň bezeginiň üstüni ýetirýär.
Her bir önüm Aura Consortium blokçeýn-platformasynda hasaba alnar. Bu ulgam daşlaryň gelip çykyşyny yzarlamaga we olaryň hakykylygyny tassyklamaga mümkinçilik berer. Web sahypada ýygyndynyň joşgunly reňk oýnamlarynyň “adaty şaý-sepler baradaky düşünjelere pitjiň atýandygy” bellenýär.
Şahyr Amanda Gorman, aktrisa Maýýa Houk we Günorta Koreýanyň ýyldyzy Kim Te Ri mahabat kampaniýasynyň ýüzleri boldular.
Täze hatar Prada şaý-sepleriniň ösüş ugruny dowam etdirýär. Brendiň gaýtadan işlenen altyndan döredilen ilkinji şaý-sepler ýygyndysy Eternal Gold 2022-nji ýylda hödürlenipdi.
