Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy.
Variety neşiriniň maglumatlaryna görä, şertnamanyň bahasy, takmynan, 750 mln dollar boldy. Ylalaşygyň çäklerinde Apple çempionatyň ähli tapgyrlaryny – türgenleşikden we saýlama ýaryşlaryndan başlap, sprint ýaryşlaryna we Gran-prilere çenli ählisini görkezer. Ýaryşlara Apple TV-de ýazylyşyk arkaly tomaşa edip bolar.
Apple Sports programmasy hakyky wagtda saýlama we esasy ýaryşlaryň netijelerini berer. Ulanyjylar şahsy sanawda we Konstruktorlaryň kubogynda sürüjileriň ýagdaýyny yzarlap biler.
Kompaniýa bu hyzmatdaşlygyň baş keşbi Bred Pittiň ýerine ýetirmeginde F1 filminiň üstünliginden soň Apple bilen “Formula-1-iň” arasyndaky gatnaşyklaryň berkemeginiň netijesidigini belledi. Film, takmynan, 630 mln dollar ýygnap, taryhda iň köp girdeji gazanan sport filmi boldy.
Häzirki wagtda ABŞ-da “Formula-1-i” ýaýlyma bermek hukugy ESPN teleýaýlymyna degişli. Onuň şertnamasynyň möhleti 2026-njy ýylda tamamlanýar.
