Volkswagen kompaniýasy 2026-njy ýylda Touareg krossowerini çykarmagy bes edýändigini mälim etdi. Bu waka mynasybetli brend modeliň hoşlaşyk wersiýasyny – Final Edition-y hödürledi.
Adaty wersiýalardan tapawutlylykda Touareg Final Edition-yň yzky gapylarynyň çarçuwasynda lazer bilen ýazylan Final Edition ýazgysy peýda boldy, şeýle ýazgy bosagalary, transmissiýanyň deri bölegini we ýolagçynyň garşysyndaky öňdäki paneli hem bezeýär.
Jemleýji seriýany Ýewropada 2026-njy ýylyň martynyň ahyryna çenli sargyt edip bolýar. Üpjünçilik doly ýerine ýetirilenden soň, modeliň önümçiligi bütinleý bes ediler. Awtomobiliň bahasy 75-den 103 müň ýewro aralygynda üýtgeýär, şol bir wagtyň özünde iň güýçli we kuwwatly wersiýa 462 at güýjüni berýän gibrid enjamly Touareg R Hybrid bolar.
Kompaniýa Touareg-iň yzyny dowam etdirjek model barada entek habar bermedi, ýöne öndürijiniň maglumatlaryna görä, geljekde model doly elektrik görnüşde dolanyp biler.
Häzire çenli Volkswagen 1,2 milliondan gowrak Touareg awtomobilini satdy: 471 müň birinji nesil ulagy (2002-2009), 483 müň ikinji nesil (2010-2018) we 265 müň üçünji nesil (2018-2026). Häzirki wersiýa Audi Q7 we Q8, Porsche Cayenne, Bentley Bentayga we Lamborghini Urus bilen bir platformada guruldy.
