ABŞ-nyň Zikgehanasy Apple-iň egindeş esaslandyryjysy we öňki baş direktory Stiw Jobsa bagyşlanan bir dollarlyk teňňäniň dizaýnyny hödürledi.
Teňňede Kaliforniýanyň baýyrlarynda özi üçin adaty bolan obrazda – wodolazkada, jinsde we krossowkada aýbogdaşyny gurup oturan ýaş Jobs şekillendirilýär.
Teňňäniň arka ýüzünde “Täsin bir zat döret” ýazgysy – 2007-nji ýylda Jobsuň miras gaznasy tarapyndan onuň dünýägaraýşyny we mirasyny beýan etmek üçin ulanylan sitata bar.
Teňňe indiki ýyl 13,25 dollar bahadan satuwa çykar. Ony ABŞ-nyň Zikgehanasynyň resmi saýtynda sargyt edip bolýar.
Teňňäniň çykarylmagy 2018-nji ýylda işe girizilen amerikan innowasiýalaryna bagyşlanan federal programma bilen baglanyşyklydyr. Bu taslamanyň çäklerinde her ştat teňňede ebedileşdirmek üçin öz nyşanyny hödürleýär. Mysal üçin, Wiskonsin ştaty 1970-nji ýyllaryň ortalarynda döredilen Cray-1 superkompýuteriniň şekili bolan teňňäni hödürledi.
Stiw Jobsly teňňäni çykarmak pikiri Kaliforniýanyň gubernatory Gewin Nýusoma degişli. Ol Jobsuň innowasiýalaryň ruhuny we Kaliforniýa üçin mahsus bolan täze bir zada ymtylyşy görkezýändigini belledi.
