Mariýa Grasiýa Kýuri Dior-da sekiz ýyldan soň Fendi-niň ýolbaşçysy boldy

  • 17.10.2025 00:20
  • 3.2k+
Mariýa Grasiýa Kýuri Dior-da sekiz ýyldan soň Fendi-niň ýolbaşçysy boldy

Mariýa Grasiýa Kýuri Fendi-niň täze döredijilik müdiri boldy. Onuň brend üçin ilkinji kolleksiýasy – güýz-gyş 2026 – fewral aýynda Milandaky moda hepdeliginde görkeziler.

Dizaýner üçin bu karýerasynyň başlan ýerine gaýdyp gelmek boldy: Kýuri hut şu ýerde 1989-njy ýylda işläp başlady we on ýyl zähmet çekdi. Ol meşhur Baguette torbasyny döredijileriň biri boldy. Soňky sekiz ýyl Dior-a ýolbaşçylyk edip, bu wezipede ilkinji aýal boldy.  
LVMH Group-yň başlygy we baş direktory Bernar Arno Kýuriniň häzirkizaman modasynda iň görnükli döredijilik şahsyýetleriniň biridigini belledi. Ol Kýuriniň ýolbaşçylygynda Fendi-niň öz däplerini berkidip, täze üstünliklere ýetjekdigine ynam bildirdi.
2024-nji ýylda Kim Jons gidenden soň, brendiň zenanlar hatary döredijilik müdiri bolmazdan galdy. Onuň wezipe borçlaryny moda öýüniň esaslandyryjysynyň agtygy Silwiýa Wenturini Fendi ýerine ýetirdi. 2025-nji ýylyň güýzünde ol Fendi-niň hormatly prezidenti wezipesini eýeledi. 

Aýdymçy Dua Lipa deriniň idegi üçin kosmetika toplumyny çykardy
13.11.2025 19:49
4.4k+

Aýdymçy Dua Lipa deriniň idegi üçin kosmetika toplumyny çykardy

Britaniýaly aýdymçy Dua Lipa özüniň Dua atly täze ideg kosmetika liniýasyny çykardy diýip, Hypebae portaly habar berýär. Bu kolleksiýa kosmetika brendi Augustinus Bader Science bilen hyzmatdaşlykda döredildi. Oňa üç sany serişde girýär: derini arassalaýjy krem — Balancing Cream Cleanser, deri öýjüklerini täzeleýji krem — Renewal Cream we derini ýalpyldadýan toplum — Supercharged Glow Complex...

Pantone 2026-njy ýylyň ýaz–tomus möwsüminiň esasy reňk öwüşginlerini yglan etdi
11.11.2025 15:13
3.1k+

Pantone 2026-njy ýylyň ýaz–tomus möwsüminiň esasy reňk öwüşginlerini yglan etdi

Pantone reňk instituty 2026-njy ýylyň ýaz–tomus möwsüminiň moda ugurlary baradaky hasabatyny çap etdi. Bilermenleriň bellemegine görä, geljek möwsümiň esasy äheňi gülgüne we ýaşyl reňkleriniň utgaşmasy bolar. Bu iki reňk tebigatda hem-de häzirki zaman dizaýn giňişliginde tebigy görnüşde sazlaşýar...

Saint Laurent dünýäniň iň köp isleg bildirilýän moda brendi boldy
06.11.2025 22:07
2.1k+

Saint Laurent dünýäniň iň köp isleg bildirilýän moda brendi boldy

Saint Laurent 2025-nji ýylyň üçünji çärýeginde Lyst Index tarapyndan düzülen dünýäniň iň köp isleg bildirilýän brendleriniň reýtinginde birinji orny eýeledi. Ol ilkinji gezek Miu Miu we Loewe brendlerinden öňe geçdi diýip, WWD habar berýär...

Hublot suratkeş Deniel Arşamyň art-dizaýny bilen täze goşar sagadyny hödürledi
06.11.2025 11:13
3.8k+

Hublot suratkeş Deniel Arşamyň art-dizaýny bilen täze goşar sagadyny hödürledi

Şweýsariýanyň Hublot sagat kompaniýasy bilen amerikaly suratkeş Deniel Arşam ikinji bilelikdäki işini – Hublot MP-17 Meca-10 Arsham Splash Titanium Sapphire goşar sagadyny hödürledi. Arşam häzirkizaman predmetlerini daşa öwrülen ýa-da “heläkçilikden soňky geljegiň tapyndylary” ýaly şekillendirýän sungat obýektleri bilen tanalýar...