Adidas brendi fiziki taýdan agyr işlerde zähmet çekýän adamlar üçin niýetlenen ýokary derejede goragly aýakgaplaryň täze hataryny satuwa çykarmagy meýilleşdirýär. Bu barada WWD neşiri habar berýär.
Täze aýakgaplary işläp taýýarlamak üçin kompaniýa GLO Brands B.V. bilen hyzmatdaşlyk edýär. Adidas Pro Work ady bilen tanadyljak ilkinji kolleksiýanyň 2026-njy ýylyň ikinji çärýeginde bazara çykarylmagyna garaşylýar. Kompaniýanyň bellemegine görä, bu hatar “funksional goragy, amatlylygy we estetikany” özünde birleşdirýär.
Adidasyň wekilleriniň aýtmagyna görä, täze aýakgap kyn şertlerde-de ýokary howpsuzlygy üpjün eder we brende mahsus bolan dizaýn äheňini saklar.
“Adidas we GLO bilelikde ýokary goraglylygy we özboluşly adidas stilini sazlaşdyrýan öz derejesindäki iň oňat aýakgaby bazara çykarmagy maksat edinýärler” diýip, kompaniýanyň wekilleri bellediler.
