Adidas Germaniýanyň milli ýygyndysynyň köýnekçelerinde 44-lük belgini gadagan edýär

  • 02.04.2024 14:38
  • 13k+

Adidas kompaniýasy Germaniýanyň milli ýygyndysynyň köýnekçeleri sargyt edilende janköýerlere 44-lük oýun belgisini saýlamagy gadagan etmek kararyna geldi. Bu barada Sport Bild habar berýär.

Bu milli ýygyndynyň Ýewropa çempionatynda geýjek köýnekçelerindäki täze şrift sebäpli 44-lük belginiň geçen asyryň 30-40-njy ýyllarynda faşistik Germaniýada harby güýçleriň – SS-niň nyşany hökmünde hyzmat eden “zig” runasyna meňzeýändigi bilen baglanyşyklydyr.
Oýunçylar öz köýnekçelerinde bu belgini göterip bilmeýärler, sebäbi oýunçylar sanawyna laýyklykda, futbolçylar 1-den 23 aralygyndaky belgileri alyp bilýärler, ýöne janköýerler Adidas onlaýn dükanynda şeýle belgili köýnekçeleri sargyt edip, geýip bilerdiler. Kompaniýa ksenofobiýa, antisemitizme, islendik görnüşdäki zorluga we ýigrenje garşy çykýandygyny we 44-lük belginiň gysga wagtda petiklenjekdigini aýtdy.
Ýatlap geçsek, futbol boýunça Ýewropanyň çempionaty 14-nji iýundan 14-nji iýul aralygynda Germaniýada geçiriler. Ýaryşyň toparlaýyn tapgyryna 24 ýygyndy gatnaşar. Germaniýa A toparçasynda Şotlandiýa, Wengriýa we Şweýsariýa garşy oýnar.
Öň, biz 2027-nji ýyldan Germaniýanyň milli ýygyndy formasynyň täze üpjün edijisiniň Nike boljakdygyny habar beripdik. 1954-nji ýyldan bäri milli toparyň hyzmatdaşy bolan Adidas bilen şertnama 2026-njy ýylyň dekabr aýyna çenli niýetlenýär.


17.06.2025 19:14
18k+

Kriştianu Ronaldu Trampa öz awtografy we parahatçylyk ýüzlenmesi bilen köýnekçe iberdi

“Altyn topuň” bäş gezek eýesi Kriştianu Ronaldu ABŞ-nyň Prezidenti Donald Trampa şahsy ýüzlenmesi bilen goly goýlan Portugaliýanyň milli ýygyndysynyň köýnekçesini berdi. Sowgat Kanadada geçirilen G7 sammiti wagtynda Ýewropa geňeşiniň başlygy Antoniu Koşta tarapyndan gowşuryldy...

17.06.2025 14:25
6.1k+

Tewesiň pokeri we ÝUNISEF üçin 7 mln funt: “Old Traffordda” haýyr-sahawat oýny geçirildi

“Mançester Ýunaýtediň” öý stadionynda her ýyl geçirilýän haýyr-sahawat oýny Soccer Aid geçdi. Oýunda Angliýanyň topary bilen öňki futbol ýyldyzlaryny, tälimçileri we beýleki media şahsyýetlerini jemlän dünýä topary duşuşdy...

12.06.2025 12:31
4.2k+

Coldplay, Jeý Balwin, Doja Cat we Tems dagy Klublaýyn dünýä çempionatynyň finalynyň arakesmesinde çykyş eder

Nýu-Jersi ştatynyň Ist-Rezerford şäher okrugyndaky MetLife stadionynda FIFA-nyň Klublaýyn dünýä çempionatynyň final oýnunyň arakesmesinde aýdym-sazly şüweleň bolar. FIFA 13-nji iýulda boljak konsertde kolumbiýaly aýdymçy Jeý Balwiniň, repçi aýdymçy Doja Cat-yň we nigeriýaly artist Temsiň esasy hedlaýnerler boljakdygyny habar berdi...

31.05.2025 17:28
6k+

Ronaldinýo «Rematch» futbol simulýatorynyň ilçisi boldy

Meşhur braziliýaly futbolçy Ronaldinýo täze «Rematch» futbol simulýatorynyň ilçisi boldy. Ol oýny döreden studiýanyň edarasyna baryp, simulýatory hut özi synap gördi. Taslamanyň topary Ronaldinýonyň saparyndan wideo paýlaşdy...