Transfermarkt portaly Seriýa A ligasynyň futbolçylarynyň bazar bahasyny täzeledi.
“Interiň” argentinaly hüjümçisi Lautaro Martines 10 mln ýewro arzanlady, ýöne çempionatyň iň gymmat oýunçysy adyny saklady – indi ol 85 mln ýewro bilen bahalandyrylýar.
Ikinji orunda 80 mln ýewro bilen “Interiň” italiýaly goragçysy Alessandro Bastoni ýerleşdi.
“Ýuwentusyň” türkiýeli ýarymgoragçysy Kenan Ýyldyz uly ösüş görkezdi – onuň bahasy birbada 25 mln ýewro ýokarlanyp, 75 mln ýewro ýetdi. “Interiň” fransiýaly wingeri Markus Týuram hem indi şonça bahalandyrylýar.
Liganyň iň gymmat futbolçylarynyň bäşligini “Milanyň” we Portugaliýanyň milli ýygyndysynyň oýunçysy Rafael Leau jemledi. Onuň bahasy 70 mln ýewro.
Şeýle-de, onluga “Milanyň” ýarymgoragçysy Kristian Pulişiç (70 mln ýewro), “Komonyň” oýunçysy Nikolas Pas (55 mln ýewro), “Romadan” Manu Kone we “Fiorentinadan” Moýze Kin (ikisi-de 50 mln ýewro) girdi.
