Müsüriň milli futbol ýygyndysy 2026-njy ýylyň dünýä çempionatyna gatnaşmagyny kepillendirdi. Saýlama ýaryşynyň dokuzynjy tapgyryndan soň topar 23 utuk gazanyp, A toparçada möhletinden ir birinji orny eýeledi, ol Burkina-Fasodan bäş utuk öňe geçdi.
Müsürliler soňky oýunda Jibutini 3:0 hasabynda utdy. Iki goly toparyň esasy ýyldyzy, “Liwerpulyň” hüjümçisi Mohammed Salah, ýene birini Ibragim Adelýa geçirdi. Bu toparlaryň ilkinji duşuşygynda-da Müsür 6:0 hasabynda ýeňiş gazanypdy. Dokuz tapgyryň dowamynda topar diňe iki gezek utuk ýitirdi: Burkina-Faso we Gwineýa-Bisau bilen deňme-deň oýnady.
Müsür üçin bu 2018-nji ýyldan bäri ilkinji DÇ bolar. Şol wagt topar Russiýada toparlaýyn tapgyra çykyp bilmedi. Katarda geçirilen geçenki dünýä çempionatyny hem müsürliler sypdyrdy. Muňa garamazdan, yklymda milli ýygyndy iň güýçlüleriň biri bolmagynda galýar – ol ýedi gezek Afrikan milletleriniň kubogyny utdy.
Müsür öňümizdäki dünýä çempionatynyň 19-njy gatnaşyjysy boldy. Olaryň hatarynda ýaryşyň ýer eýeleri – Kanada, Meksika, ABŞ, şeýle-de Argentina, Braziliýa, Urugwaý, Kolumbiýa, Eýran, Özbegistan, Ýaponiýa, Täze Zelandiýa, Günorta Koreýa, Iordaniýa, Awstraliýa, Ekwador, Paragwaý, Marokko we Tunis bar. Ýaryş 2026-njy ýylyň tomsunda geçiriler.
