Nikol Kidman ýene Chanel-iň ilçisi boldy. Soňky gezek aktrisa brend bilen 20 ýyldan gowrak ozal hyzmatdaşlyk edip, Chanel № 5 hoşboý ysynyň meşhur mahabatyna gatnaşypdy.
Aktrisa täze döredijilik müdiri Matýe Blaziniň gözýetimi bilen tanyşmaga sabyrsyzlyk bilen garaşýandygyny aýtdy. Kidmanyň sözlerine görä, Chanel hemişe modany kesgitläp, zenanlara şatlyk paýlaýardy we ol Blaziniň brendiň däp-dessuryny dowam etdirjekdigine ynanýar.
Kidman “Aýy” serialy boýunça tanalýan aktrisa we ssenariçi Aýo Edebiri bilen bilelikde Blaziniň ilkinji görkezişinde peýda bolar.
Nikol Kidmanyň Chanel bilen ilkinji hyzmatdaşlygy 2004-nji ýylda başlady. Şol wagt ol Chanel № 5 – The film wideosyna düşdi. Ol moda taryhynda iň gymmat mahabat taslamalarynyň biri bolup, aktrisany brendiň tanalýan ýüzleriniň birine öwürdi.
