Google DeepMind barlaghanasy programma üpjünçiligindäki gowşaklyklary özbaşdak tapyp, düzedip bilýän CodeMender EA agentiniň iş netijelerini hödürledi. Bu barada SiliconANGLE neşiri ýazýar.
Taslama DeepMind-yň howpsuzlyk bilen bagly OSS-Fuzz we Big Sleep ýaly işläp taýýarlamalarynyň yzyny dowam etdirýär. Ol ýalňyşlyklary awtomatik tapmak we hatda howply ýerleri gaýtadan ýazmak üçin Gemini modeliniň mümkinçiliklerini kod seljeriş usullary bilen birleşdirýär.
CodeMender entek synag tapgyrynda bolsa-da, ol eýýäm açyk başlangyç kodly taslamalara 72 düzediş iberdi. Işläp düzüjileriň aýtmagyna görä, agent programmistlere gowşaklyklary gözlemäge we düzetmäge wagt sarp etmän, täze çözgütlere ünsi jemlemäge kömek edýär.
Ulgam diňe bir tapylan meselelere jogap bermän, eýsem koda öňünden üýtgeşmeleri girizip, birtopar meseleleriň öňüni alyp bilýär. Ähli üýtgeşmeler awtomatik we el barlagyndan geçýär. Eger agent ýalňyşsa, ol öz düzedişlerini hem düzedip bilýär.
DeepMind munuň taýýar önüm däl-de, entek synag guralydygyny belleýär.
