Polo Ralph Lauren 2026-njy ýylyň ýaz-tomus kolleksiýasynyň lukbugyny (suratlar toplumy) hödürledi. Suratlar WWD neşiri tarapyndan neşir edildi.
Kolleksiýa dizaýneriň Ýamaýka gezelenjinden ylham alýar. Şonuň üçin onda syýahat ruhy we adanyň rahat atmosferasy utgaşýar.
Möwsümiň esasy egin-eşikleri polo köýnekleri, uniwersitet kurtkasy we Oksford köýnekçesi boldy. Mundan başga-da, kolleksiýada safari kurtkalary, madras ýubkasy, bir bortly zygyrdan penjek we örümli, sadap ilikleri bolan switer bar.
Esasy täzelik halat-balaklar boldy. WWD onuň jins kurtkadan başlap, bleýzere çenli islendik eşik bilen gabat gelýändigini belleýär. Olaryň dizaýny üçin ylham çeşmesi hökmünde Riki Loreniň obrazy hyzmat etdi: birwagtlar ol ak balagyň üstünden krem reňkli sarongy geýipdi, bu hem dizaýnerlere modeli döretmäge itergi berdi.
Aksessuarlaryň arasynda Polo Play, Polo ID we Bellport torbalary, täzelenen guşaklar we üç äýnek modeli bar.
WWD-niň hünärmenleri klassykany sport elementleri bilen utgaşdyrýan ykjam we nepis “preppy” stiliniň (iňlisçe preparatory – taýýarlyk) ýaşlaryň arasynda meşhur bolmagyny dowam etdirýändigini belleýär.
