Lucid Air Sapphire elektrik sedany Motor Trend amerikan žurnaly tarapyndan 100 km/sag çenli tizligini artdyrmak boýunça iň tiz önümçilik awtomobili diýlip ykrar edildi. Synaglarda ol duran ýerinden sagatda 60 mile (96 km/sag) çenli tizligini 1,881 sekuntda artdyrdy.
Hünärmenler kuwwaty 1250 at güýjüne barabar bolan üç hereketlendirijili wersiýany synagdan geçirdi. Onuň bahasy tas 260 müň dollara ýetýär. Rekord täze Pirelli P Zero Trofeo RS Elect LM1 tekerleri bilen goýuldy. Adaty Michelin Pilot Sport 4S LM1 tekerleri bilen tizligi “ýüze” çenli artdyrmak 2,2 sekunt wagt aldy.
Lucid öňki rekord eýesinden – Porsche Taycan Turbo GT Weissach ulagyndan bary-ýogy 0,006 sekunt tapawut bilen öňe geçdi. Deňeşdirmek üçin, Tesla Model S Plaid bu tizlige ýetmek üçin 2,07 sekunt sarp edýär.
Milýanyň dörtden birinde-de Lucid Air Sapphire hemmeden tiz boldy: Pirelli tekerleri bilen 9,03 sekunt we Michelin bilen 9,21 sekunt. Täze tekerler bilen elektromobiliň tormoz ýoly 90 km/sag tizlikde 27 metre ýetýär – bu Taycan Turbo GT bilen deň we adaty tekerleriň görkezijisinden 3 metr azdyr.
Şu tomus Lucid Air bir zarýadda has uzak ýol geçýän elektromobil hökmünde Ginnesiň rekordlar kitabyna girdi. Ýol 1205 km bolup, dag ýollaryny we awtoulag ýollaryny öz içine aldy.
