Ak tamda UFC söweşi 2026-njy ýylyň 14-nji iýunynda geçiriler. Bu barada Ak tamyň ýolbaşçysy ABŞ-nyň Harby-deňiz güýçleriniň 250 ýyllygy mynasybetli Norfolk harby-deňiz bazasynda eden çykyşynda aýtdy. Sene ABŞ-nyň Prezidenti Donald Trampyň 80 ýaşynyň belleniljek güni bilen gabat gelýär diýip, Reuters we The Hill habar berýär.
“Geljek ýylyň 14-nji iýunynda Ak tamda, gönüden-göni Ak tamyň çäginde uly UFC söweşimiz bolar” – diýip, Tramp aýtdy.
The Hill-iň maglumatlaryna görä, UFC oktagony Ak tamyň günorta tarapyndaky baglykda gurnalar. Çäräniň çäklerinde feýerwerkler we yşyk şüweleňleri, şeýle-de Awraam Linkolnyň ýadygärliginiň ýanynda söweşijileriň agram çekiş dabarasy bolar.
UFC-niň baş direktory Dana Uaýt häzirki wagtda Ak tamda gurnaljak çäräniň nähili boljakdygy barada gepleşikleriň dowam edýändigini aýtdy we bu pikiriň heniz deslapky tapgyrdadygyny belledi diýip, Fox News habar berýär.
Bu çärede eýýäm irlandiýaly Konor Makgregor, amerikaly Jon Jons, gruziýaly Merab Dwalişwili, ispan-gruziýaly söweşiji Iliýa Topuriýa, çeçen Hamzat Çimaýew ýaly söweşijiler çykyş etmäge gyzyklanma bildirdi.
