Warner Bros. we New Line “Ahyrky nokat” horrorynyň ýedinji bölümi üçin režissýor saýladylar. Filmi “Gijeki ogry” atly filmi bilen tanalýan belgiýaly režissýor Mihil Blanşar goýar diýip, Deadline neşiri habar berýär.
Ýordumyň jikme-jiklikleri we goýberiljek senesi entek aýdylmady. Edebi esasyny franşizanyň altynjy bölüminiň üstünde işlän Lori Ewans Teýlor ýazar.
Franşiza 2000-nji ýylda surata düşürilip başlandy. Her bölümde öňdengörüjilik bilen betbagtçylykdan halas bolan bir topar adam barybir iň çylşyrymly ýagdaýda ölüm bilen ýüzbe-ýüz bolýar.
Soňky film “Ahyrky nokat 6: Gan baglary” 2025-nji ýylyň aprelinde çykdy. Filmiň ýordumy bir wagtlar enesi adamlaryň ölüminiň öňüni alandan soň, maşgalasyny heläk bolmakdan goramaga synanyşýan talyp Stefani barada gürrüň berýär. Film franşizada iň köp girdeji gazanan film boldy we dünýä boýunça 315 million dollar gazandy.
