Internetde meşhur iňlis-ýemen boksçysy "Şazada" Nasim Hamed hakyndaky "Äpet" atly sport dramasynyň treýleri ýaýradyldy. Film oktýabr aýynda 2025-nji ýylda geçiriljek BFI London film festiwalynda görkeziler.
Filmde Amir El-Masri we Pirs Brosnan çykyş edýär. Filme boksçynyň köpden bäri muşdagy Silwester Stallone prodýuserlik etdi.
Filmde köçe söweşlerinden başlap çempionlyk titullaryna çenli ýoly geçen Nasimiň (keşbini El-Masri ýerine ýetirdi) başdan geçirenleri gürrüň berilýär.
Pirs Brosnan irlandiýaly Brendan Ingliň – boksçynyň halypasynyň keşbini oýnady. Onuň özboluşly strategiýasy o diýen tanalmaýan oglana sport ýyldyzy bolmaga kömek etdi.
Treýler Ingle bilen Hamediň arasyndaky çylşyrymly, ýöne garyndaşlyk diýen ýaly gatnaşyklaryny açyp görkezýär. Filmiň režissýory Rouen Eteýl filmi öz edebi esasy boýunça surata düşürdi.
Nasim Hamed – WBO-nyň, WBC-niň, IBF-iň we IBO-nyň wersiýalary boýunça ýarym ýeňil agramlykda öňki dünýä çempiony. Ajaýyp söweş stili, üýtgeşik tilsimleri we ringe ajaýyp girişi üçin ol "Şazada Nasim" lakamyny aldy. 2015-nji ýylda ol Halkara boksyň Şöhrat zalyna goşuldy.
