Russiýaly söweşiji Usman Nurmagomedow irlandiýaly Pol Hýuzy ýeňip, ýeňil agramda Professional Fighters League (PFL) ligasynyň çempion titulyny gazandy. Söweş Dubaýda (BAE) geçirilen söweş agşamynyň esasy wakasy boldy.
Eminler ýeňşi biragyzdan Nurmagomedowa berdi.
Bu söweşijileriň 2025-nji ýylda eýýäm ikinji duşuşygy boldy. Olaryň birinji söweşi 26-njy ýanwarda geçirildi we eminleriň çözgüdi netijesinde russiýalynyň ýeňiş gazanmagy bilen tamamlandy.
27 ýaşly Nurmagomedow – UFC-niň öňki çempiony Habib Nurmagomedowyň doganoglany. Ol ýeňilmän galýar, onuň hasabynda 20 ýeňiş bar, bir söweş hem geçirilmedik diýlip hasaplandy.
28 ýaşly Pol Hýuz professional karýerasynda üçünji ýeňlişine sezewar boldy. Onuň hasabynda 14 ýeňiş bar.
Ýatlap geçsek, şol ýaryşyň ýene bir esasy wakasynda ýarym agyr agramda bolan titul söweşinde türkmen pälwany Döwletjan Ýagşymyradow amerikaly Kori Andersondan ýeňildi.
