Absolýut söweş çempionaty (UFC) 22-nji noýabrda Dohada geçiriljek ýaryşda rus-ermeni söweşijisi Arman Sarukýanyň täze zelandiýaly Den Huker bilen duşuşjakdygyny yglan etdi. Söweş agşamyň esasy wakasy bolar.
Ýaryşyň ýene bir esasy söweşinde ýarym orta agramda UFC-niň öňki çempiony asly palestinaly amerikan Belal Muhammad bilen irlandiýaly Ien Gerri tutluşar.
Sarukýan ozal ýanwarda ýeňil agramda çempion guşagy üçin Islam Mahaçewe garşy titul söweşini geçirmekçidi, ýöne şikes sebäpli söweşden ýüz öwürmeli boldy. 28 ýaşly russiýalynyň hasabynda 25 söweşde 22 ýeňiş we 3 ýeňliş bar. Ol agram derejesine garamazdan UFC-niň reýtinginde (P4P) 14-nji orny eýeleýär.
Huker 35 ýaşynda. Onuň rekordy – 24 ýeňiş we 12 ýeňliş. UFC-niň ýeňil agram reýtinginde altynjy orunda ýerleşýär. 2024-nji ýylyň 17-nji awgustynda Pert şäherinde (Awstraliýa) UFC 305-de bolan soňky söweşinde Huker polşaly Mateuş Gamroty ýeňdi.
