Aktýor Jim Kerri karýerasynda gazanan üstünlikleri üçin “Sezar” hormat baýragynyň eýesi bolar. Fransuz kinoakademiýasynyň baýrak gowşurylyş dabarasy 2026-njy ýylyň 27-nji fewralynda Parižde geçiriler diýip, Variety neşiri habar berdi.
Dürli ýyllarda bu baýragy Meril Strip, Robert Redford, Juliýa Roberts, Keýt Blanşett we beýleki tanymal aktýorlar aldy.
Fransuz kinoakademiýasy Kerriniň karýerasynyň “köptaraplaýynlygy bilen tapawutlanýandygyny belledi: ol kinoda blokbasterleri we awtorlyk kinosyny gezekleşdirýär; telewideniýede onuň “Degişýärin” Showtime serialyndaky täsirli we duýgur çykyşy onuň zehininiň giňdigini ýene bir gezek tassyklady”.
Jim Kerri “Maska”, “Eýs Wentura”, “Akmak we has akmak”, “Arassa aňyň baky ýalkymy”, “Truman şüweleňi” we beýleki filmlerdäki keşpleri bilen meşhurlyk gazandy.
