OpenAI kompaniýasy wideo döretmek boýunça Sora 2 täzelenen emeli aň generatory hödürledi.
Işläp düzüjileriň aýtmagyna görä, täze wersiýa hereketiň fizikasyna has gowy düşünýär, hakykata has ýakyn sahnalary döredýär we generasiýa prosesini takyk dolandyrmaga mümkinçilik berýär. Mundan başga-da, model wideo bilen dialoglary utgaşdyryp, ses effektlerini hem goşup bilýär.
Sora 2-niň binýadynda OpenAI özüniň täze sosial ulgamyny — Sora App-y işe girizmäge taýýarlanýar. Onda TikTok formatyndaky dik wideo lentasy bolar we ulanyjylar emeli aňyň kömegi bilen döreden wideolaryny paýlaşyp bilerler.
Sora-nyň ilkinji wersiýasy 2024-nji ýylyň fewral aýynda peýda bolup, giňden gyzyklanma döretdi. Şol döwürde hünärmenler diňe onuň mümkinçiliklerini däl, eýsem mümkin bolan töwekgelçilikleri - feýk (galp) wideolaryň ýaýramagy ýa-da kontentleri döretmegiň däp bolan usullarynyň üýtgemegi ýaly ýagdaýlary hem ara alyp maslahatlaşypdylar.
