Katar FIFA-nyň 2025-nji ýylda geçiriljek yklymara kubogynyň jemleýji ýaryşyny kabul eder. Bu barada Halkara Futbol Federasiýasynyň resmi web sahypasynda yglan edildi.
Ýaryşyň soňky üç oýny Katarda geçer. 10-njy dekabrda "Iki Amerikanyň derbisi" geçiriler: meksikaly “Krus Asul” şu ýylky Libertadoresiň Kubogynyň ýeňijisi bilen bäsleşer. Bu oýnuň ýeňijisi 13-nji dekabrda FIFA-nyň Challenger Cup ýaryşynyň çäklerinde Müsüriň “Piramidsy” bilen oýnar. 17-nji dekabrda boljak aýgytlaýjy oýunda Fransiýanyň “Pari Sen-Žermeni” bu oýnuň ýeňijisi bilen duşuşar.
Jemleýji tapgyryň ilkinji iki oýny “Ahmed bin Ali” stadionynda geçer. Jemleýji oýnuň geçjek ýeri biraz soň kesgitlener.
