Apple-iň täze iPhone 17 Pro we iPhone 17 Pro Max smartfonlary satuw başlany bäri garaşylmadyk kemçilik sebäpli dilden düşmän gelýär. Firma dükanlarynyň myhmanlary görkezmek üçin goýlan smartfonlarda yzky panelleriň çyzylandygyna üns berdi.
Bloomberg-iň kompaniýanyň içki hatlary bilen tanyş bolan žurnalisti Mark Gurmanyň habar bermegine görä, Apple dükanlaryň işgärlerine diňe bir smartfonlaryň yzky tarapyny yzygiderli süpürmegi däl, eýsem munuň üçin duzly ýörite arassalaýjy ergini ulanmagy maslahat beripdir.
9to5Mac neşiriniň maglumatlaryna görä, bu usul eýýäm tejribede barlanyp görüldi: iPhone 17 Pro-nyň yzky panelindäki sypjyryklar deňiz duzunyň suwly ergini bilen süpürildi, netijede yzlar ýitirim boldy.
Ozal Apple iPhone 17 Pro bilen iPhone 17 Pro Max-yň korpusyny ýasamakda ulanylan anodirlenen alýuminiň çyzylmalara ýeterlik derejede durnuklydygyny aýdypdy. Kompaniýa dükanlardaky smartfonlarda görünýän yzlaryň köne magnit saklaýjylary bilen galtaşygyň netijesinde ýüze çykyp bilendigini aýdýar. Käbir hytaý dükanlarynda telefon saklaýjylara täze yzlaryň döremeginiň öňüni alýan silikon örtükleri dakylyp başlandy.
Häzirlikçe Apple bu meseläni çynlakaý hasap edenok, şol sebäpli ony aradan aýyrmak boýunça giň gerimli çäreleri geçirmegi meýilleşdirmeýär.
