Soňky 65 ýylda ilkinji gezek şol bir ýurduň erkekler we zenanlar ýygyndylary bir wagtyň özünde woleýbol boýunça dünýä çempionatlarynyň ýeňijileri boldy. 2025-nji ýylda bu Italiýanyň milli ýygyndylaryna başartdy, olar Filippinlerdäki we Tailanddaky ýaryşlarda ýeňiş gazandy.
Italiýanyň zenanlar ýygyndysy Türkiýäni 3:2 hasabynda, erkekler topary bolsa Bolgariýany 3:1 hasabynda utdy. Öň şeýle üstünligi 1952-nji we 1960-njy ýyllarda SSSR-iň ýygyndylary gazanypdy.
Italiýanyň erkekler ýygyndysy dünýä çempionatynda bäşinji gezek ýeňiji boldy – ozal ol 1990, 1994, 1998 we 2022-nji ýyllarda ýeňiş gazandy. Zenanlar topary 2002-nji ýylda çempion boldy.
Belläp geçsek, ozal dünýä çempionaty dört ýyldan bir gezek geçirilýärdi, ýöne 2025-nji ýyldan başlap her iki ýyldan geçiriler.
