Hytaýyň Huawei tehnoägirdi geljekki Maextro S800 flagman sedany üçin üýtgeşik akustika ulgamyny hödürledi. Ol öň we yzky hatarlardaky ýolagçylara bir wagtyň özünde biri-birine päsgel bermezden dürli aýdym diňlemäge mümkinçilik berýär.
Bu 43 dinamikden ybarat toplumyň we kompaniýa tarapyndan “4D” diýlip atlandyrylýan giňişlikdäki ses funksiýasynyň kömegi bilen mümkindir. Huawei bu taslamanyň üstünde JAC awtoöndürijisi bilen bilelikde işläp, bu hyzmatdaşlykda elektronika we programma üpjünçiligine jogap berýär.
Ulgam umumy kuwwaty 2920 Wt bolan iki güýçlendiriji tarapyndan dolandyrylýar. Salonda 43 dinamik bolup, olardan 10-usy potolokda ýerleşýär. Kompaniýanyň maglumatlaryna görä, öňdäki we yzky ýolagçylar üçin ses meýdany 99% izolirlenen bolup, bu 30 dB ses izolýasiýasyna deňdir. Şeýlelikde, dürli hatarlardaky adamlar nauşniksiz we salony fiziki bölmesiz dürli kontenti diňläp bilýär.
Ulgama aýdym-saz bilen utgaşyp, salonyň atmosfera yşyklandyryşyny sazlaýan reňkli saz hem goşuldy.
