Sony kompaniýasy PlayStation 5-iň kompaniýanyň taryhynda maliýe taýdan iň üstünlikli oýun pristawkasy bolandygyny habar berdi. Umumy satuw möçberi 136 mlrd ABŞ dollaryna barabar bolup, bu PS4 ýaly öňki modelleriň görkezijilerinden ep-esli ýokarydyr.
Tokyo Game Show 2025 sergisinde Sony Interactive Entertainment kompaniýasynyň baş direkotory Hideo Nisino şu ýylyň birinji ýarymyna çenli PS5-iň dünýädäki üpjünçiliginiň 80,3 mln birlige ýetendigini, şeýle-de pristawka üçin oýun ýygyndysynyň giňelmegini dowam etdirýändigini habar berdi.
Bellenilişi ýaly, PS5-iň 136 mlrd dollar girdejisi 107 mlrd dollar girdeji getiren PS4-den ep-esli ýokarydyr. Deňeşdirmek üçin: PS3 – 71 mlrd dollar, PS2 – 44 mlrd dollar, hakyky PS bolsa – 24 mlrd dollar getirdi.
Nisino Sony-nyň adaty konsol modeline ygrarly bolup galýandygyny belledi. Onuň aýtmagyna görä, bulut oýunlaryna gyzyklanmanyň artýandygyna garamazdan, PlayStation-yň esasy strategiýasy konsoly we onuň üçin oýunlary ösdürmäge gönükdiriler.
