2025-nji ýylyň awgust aýynyň jemlerine görä, Ýewropada iň köp satylan awtoulag Volkswagen T-Roc boldy. ÝB ýurtlarynda bu modeliň satuwy 14% ýokarlandy, munuň özi onuň bu ýyl ilkinji gezek satuw reýtinginde birinji orna çykmagyna mümkinçilik berdi. Bu barada «Avtostat» habar berýär.
Tomsuň soňky aýynda ýewropaly müşderiler bu modeliň 14 693 sanysyny satyn aldylar. T-Roc-a bolan islegiň artmagyna onuň täze nesliniň sargytlaryna başlanylmagy täsir etdi. Täze model indi diňe gibrid görnüşde çykarylýar
Ikinji orny öňki lider — Dacia Sandero eýeledi. Onuň satuwy 11% peselip, 13 834 sany boldy. Üçünji orny bolsa Toyota Yaris Cross eýeledi. Bu modeliň satuwy 12,2 müň bolup, geçen ýyl bilen deňeşdirilende 8% peseldi.
Ilkinji bäşlige şeýle hem VW Tiguan (12 094 sany, 23% ösüş) we oňa örän ýakyn netije bilen Renault Clio (12 091 sany, 1% peseliş) girdi.
Awgust aýynda täze awtoulaglaryň satuwy Britaniýada we Italiýada pese gaçdy, emma Germaniýada, Fransiýada we Ispaniýada ösüş hasaba alyndy.
