Mercedes-Maybach Hytaýda täze GLS 480 Liyi Edition atly krossoweriniň söwdasyna başlady. Modeliň bahasy 1,498 mln ýuana (takmynan 210 müň ABŞ dollary) barabar.
Daşky görnüşde ulag Maybach-a mahsus stili saklaýar: dik görnüşli radiator gözenegindäki MAYBACH ýazgysy, uly üçburç logo we 22 ýa-da 23 dýuýmlyk ýörite diskler. Ölçegleri: 5208x2030x1838 mm, teker aralygy — 3135 mm.
Salon Nappa derisi bilen bezelen bolup, iki reňk görnüşinde hödürlenýär. Ähli oturgyçlarda wentilýasiýa, gyzdyrmak we massaž funksiýalary bar. Dört orunlyk görnüşde aýratyn iki oturgyç, çykarylýan aýak goýulýanlary we 1,34 metre çenli boş ýer hödürlenýär. Goşmaça görnüşde sowadyjy, ýapylýan stollar we Maybach nyşanly şampan bokallary elýeterli. Atmosferany Burmester audio ulgamy, 64 reňkli yşyklandyryş we Maybach-yň eksklýuziw ysy saklaýar.
Multimedia ulgamy MBUX ses arkaly dolandyryşy, OTA täzelenmeleri we AR-nawigasiýany goldaýar. Hytaý üçin aýratynlykda QQ Music we Tencent Video hyzmatlary goşulypdyr.
Kapodyň aşagynda 381 at güýjüne we 500 Nm tork güýjüne eýe bolan 3,0 l göwrümli 6 silindrli hereketlendiriji ýerleşýär. Şeýle hem 48-woltly starter-generator bilen enjamlaşdyrylan. Standart hökmünde 9 basgançakly awtomatiki geçiriji, doly tirkelme ulgamy, adaptiw pnewmatiki asma we ýumşak hereket üçin ýörite Maybach re režimi bar. Ýolsuz ýerlerde bolsa ulagyň aşagyndaky üsti görkezýän “açyk kapot” funksiýasy ulanylyp bilner.
