Kristofer Nolan Amerikanyň Režissýorlar gildiýasynyň täze prezidenti wezipesine bellendi diýip, Variety neşiri habar berýär.
“Interstellaryň” we “Oppengeýmeriň” döredijisi 2021-nji ýyldan bäri gurama ýolbaşçylyk eden Lesli Linka Gletteriň ornuna geçdi.
"Amerikanyň Režissýorlar gildiýasynyň prezidentligine saýlanmak meniň karýeramyň iň uly sylaglaryndan biridir. Biziň pudagymyzda ägirt uly özgerişlikler bolup geçýär we men Gildiýanyň agzalaryna maňa bu jogapkärli wezipäni ynanandyklary üçin sag bolsun aýdýaryn. Şeýle hem, prezident Glettere soňky dört ýylky ýolbaşçylygy üçin sag bolsun aýdasym gelýär" – diýip, Nolan belledi.
Nolan 2001-nji ýyldan bäri Gildiýanyň agzasy. 2015-nji ýylda Nolan milli geňeşiň agzasy boldy we häzirki wagtda bolsa teatryň döredijilik hukuklary komitetine we emeli aň komitetine ýolbaşçylyk edýär.
Jemgyýetçilik işinden daşgary, režissýor öz taslamalarynyň üstünde hem işlemegini dowam etdirýär. Golaýda Los-Anjelesde onuň “Odisseýa” atly täze filmini surata düşürmek işleri tamamlandy. Film Marokko, Gresiýa, Italiýa, Malta, Şotlandiýa we Ispaniýa ýaly ýurtlarda hem geçirildi. Ilkinji görkezilişini 2026-njy ýylyň 17-nji iýulynda geçirmek meýilleşdirilýär.
