Amerikaly aktýor Robert De Niro Karib deňzindäki Barbuda adasynda täze dyçn alyş merkezini (kurort) açmagy meýilleşdirýär diýip, Bloomberg habar berýär.
Merkezi 2026-njy ýylyň noýabr aýynda açmak meýilleşdirilýär. Myhmanlara restoranyň, spa-merkeziniň we ummana görnüşi bolan howzuň hyzmatlary hödürlener. Dynç alyş merkezi The Beach Club ady bilen hereket eder. Onuň düzümine 36 otagly Nobu Beach Inn myhmanhanasy, şeýle hem hususy willa we suwuň üstünde gurlan bungalolar girer.
Agentligiň maglumatyna görä, gurluşykda ekologiýa taýdan arassa çözgütlere aýratyn üns berilýär. Tebigy materiallardan peýdalanylýar, ýaşyl landşafty saklamak üçin ýerli ösümlikler ulanylýar, bu hem Barbudanyň tebigy gözelligini gorap saklamaga we daşky gurşawa ýetirýän täsiri azaltmaga mümkinçilik berýär.
