Olimpiýa komiteti türgenlerde ýaryşlaryň dowam edýän wagtynda sosial ulgamlarda köpräk post goýmaga höwes döretmegi meýilleşdirýär diýip, Variety habar berýär.
HOK-nyň wise-prezidenti Žerom Parmantýe 2024-nji ýylda Parižde geçirilen Oýunlarda türgenleriň sosial ulgamlarda paýlaşan kontentleriniň 8 mlrd töweregi laýk, repost we teswir ýygnandygyny belledi. Onuň aýtmagyna görä, messenjerler we ýörite programmalar häzir sport çäreleri bilen ýakyndan baglanyşykly bolup, janköýerler bilen özara gatnaşygy saklamak üçin täze mümkinçilikleri döredýär.
Parmantýe norwegiýaly suwda ýüzüji Henrik Kristianseni mysal getirdi. Ol TikTok-da özüniň Olimpiýa obasynda maffinler baradaky wideolarynyň kömegi bilen meşhur boldy. HOK-nyň wise-prezidentiniň pikiriçe, türgenler ýaryşlarda esasy kontent döredijilere öwrüldi.
“Olimpiýa obasyna 10 müň türgen gelýär. Olaryň ählisi sosial ulgamlarda bar” – diýip bellemek bilen, ol türgenleriň onlaýn giňişlige gatnaşmagynyň häzirkizaman sport wakasynyň aýrylmaz bölegine öwrülendigini sözüniň üstüne goşdy. Bu janköýerlere ýaryşlary has işjeň we gyzyklanma bilen yzarlamaga, türgenlere bolsa özüni tanatmaga mümkinçilik berýär.
