Fransiýanyň “PSŽ” kluby France Football žurnaly tarapyndan möwsümiň iň gowy futbol kluby, oňa ýolbaşçylyk edýän Luis Enrike bolsa iň gowy tälimçi diýlip ykrar edildi. Dabara duşenbe güni Parižde geçirildi.
Geçen möwsümde “PSŽ” Çempionlar ligasynda, Fransiýanyň çempionatynda, Kubogynda we Superkubogynda ýeňiji boldy. Şeýle-de, Klublaýyn dünýä çempionatynyň finalyna çykdy.
Zenan klublarynyň arasynda iň gowusy Angliýanyň “Arsenal” kluby boldy.
Tälimçä berilýän Ýohan Kroýf adyndaky baýragy italiýaly Fabio Kapello gowşurdy. Ýöne Luis Enrike dabara gatnaşmady. Onuň geçirilen wagty “PSŽ” Fransiýanyň çempionatynyň çäklerinde “Marsel” bilen duşuşmaly boldy.
Geçen möwsümde baýragyň eýesi Madridiň “Realynyň” tälimçisi, italiýaly Karlo Ançelotti bolupdy.
Zenan toparlarynyň arasynda möwsümiň iň gowy tälimçisi diýlip niderlandly Sarina Wigman saýlandy. Ol Angliýanyň milli zenanlar ýygyndysyna ýolbaşçylyk edýär.
