Google kompaniýasy macOS we Windows kompýuterlerinde täzelenen Gemini emeli aňyny Chrome bilen birleşdirip başlady. Hyzmat eýýäm ABŞ-da ulanyjylar üçin elýeterli bolup, ýazylmagy talap etmeýär.
Täze EA agenti açyk sahypalary we brauzeriň taryhyny görüp biler. Ol ýapyk sahypalary dikeldip, harytlary deňeşdirip, dürli çeşmelerden maglumatlary ýygnap biler. Şeýle-de, Gemini YouTube, “Senenama”, “Karta” we Workspace ýaly Google hyzmatlary bilen işleýär.
Ýakyn aýlarda kompaniýa onuň funksiýalaryny giňeltmegi meýilleşdirýär. EA ulanyjynyň adyndan adaty işleri ýerine ýetirip biler. Mysal üçin, poçtadaky sanawdan önümleri sargyt edip, sargydyň wagtyny üýtgedip, restoranda stol bronlap biler. Käbir amallar üçin ulanyjy gözegçiligini üpjün eder ýaly goşmaça barlaglar göz öňünde tutuldy.
