“Ýyldyzlar urşy” atly meşhur kino seriýasynyň “Ýyldyz gyryjysy” (“Звездный истребитель”) diýip atlandyrylan onunjy bölümi surata düşürilip başlandy. Režissýor Şon Lewi surata düşüriş meýdançasyndan bir fotosuraty sosial torlara ýerleşdirdi.
Suratda Raýan Gosling ("Barbi") we ýaş aktýor Flin Greý ("Şerlok we gyz") sal-sal eşikde gaýykly ýüzüp barýar. Filmiň düşürilýän ýeri Italiýanyň Sardiniýa şäheri. Lewi surata şeýle ýazgy ýazdy: "Ortaýer deňziniň töwereklerinde".
Täze filmiň ýordumy “Skaýuoker. Günüň dogşy” (“Скайуокер. Восход”) atly dokuzynjy parçanyň wakalaryndan bäş ýyl soň ýaýbaňlanýar.
"Myş-myş köki bar, käsi dogry, käsi ýapa degenok. Bu prikwelem däl, sikwelem. Bu täze bir başdan geçirme "- diýip, režissýor düşündirdi.
Filmiň edebi esasyny öň Lewi bilen “Adam” taslamasy” (“Проект “Адам””) we “Mundan beýläk özüňiz ýaşaň” (“Дальше живите сами”) filmleriniň üstünde işlän Jonatan Tropper ýazdy.
“Ýyldyz gyryjysy” 2027-nji ýylyň 28-nji maýynda görkeziler.
Filmde Raýan Gosling, Flin Greý we Mia Got (“Perl”) çykyş eder. Antagonistiň keşbini Met Smit (“Lukman Kim”) ýerine ýetirer.
